Кеча БAAда бўлиб ўтаётган “Tour of Sharjah-2022” кўпкунлик велопойгасининг якуний бешинчи босқичи якунланди. Ортда қолган босқичлар якунига кўра, “Toshkent city professional velosport jamoasi” аъзоси Aлексей Фомовский энг ёш пойгачилар рўйхатида 1-ўринни эгаллади ва бош кубок учун шоҳсупага кўтарилди.

Барча кўрсаткичларни сарҳисоб қилсак, 6 нафар ҳамюртимиз: Aлексей Фомовский, Дмитрий Бочаров, Улуғбек Саидов, Aкром Суннатов, Дамир Забиров ва Эдем Эминовдан иборат Тошкент шаҳар профессионал велоспорт жамоаси мусобақани 4-ўрин билан якунлади. Мусобақада дунёнинг турли бурчакларидан 20 дан ортиқ профессионал, миллий ва клуб жамоалари иштирок этганини ҳисобга олсак, бу ажойиб натижа эканлиги ойдинлашади.