27 Январь 2022
2659
Велоспортчиларимиз Туркияга йўл олишди
Бугун эрта тонгда велоспорт бўйича терма жамоамиз вакиллари катта таркибда Туркия сафарига жўнаб кетишди. Ҳамюртларимиз у ерда деярли 2 ой муддатда халқаро мусобақаларда иштирок этишади.
Маълумки, регламентга кўра спортчиларимиз профессионал клуб сифатида рўйхатдан ўтишган. Унда "Tashkent city professional cycling team" ва "Tashkent city woman professional cycling team" жамоалари юртимиз шарафини ҳимоя қилишади. 21 мартга қадар давом этадиган сафарда велопойгачиларимиз 12 та эркаклар, 5 та аёллар, 4 та ёш йигитлар ва 9 та қизлар тоифасида стартга чиқиши кутилмоқда.
Таъкидлаш жоиз, ушбу сафар якунига етгач ҳар бир тоифада энг оптимал таркибдаги 4 нафардан спортчимиз Тожикистонга, шоссе бўйича ўтказиладиган Осиё чемпионатига йўл олади.
