23 Январь 2022
1548
Бугун икки нафар вакилимиз рингга кўтарилади
Пойтахтимизда ўтаётган бокс бўйича ёшлар ўртасидаги Осиё чемпионатида бугун иккинчи кун баҳслари ўтказилади. Ушбу кун дастурида икки нафар вакилимиз рингга кўтарилиши белгиланган.
Дастлаб -57 кг вазн тоифасида Дилшод Абдулмуродов ироқлик Муҳаммед Макассесга қарши баҳс олиб боради. Ушбу баҳс тахминан 16:45 да бошланади. Иккинчи боксчимизнинг чиқиши куннинг энг сўнгги дастурига тўғри келмоқда. Унда -91 кг вазн тоифасида Жавоҳир Тоғаймуродов тожикистонлик Давлат Болтаевга қарши жанг қилади. Беллашув вақти тахминан 18:30 га тўғри келади.
