20 Январь 2022
1135
Кумушхон Файзуллаевани табриклаймиз!
Бугун оғир атлетика бўйича Ўзбекистон терма жамоаси аъзоси Кумушхон Файзуллаева таваллуд айёмини нишонламоқда.
Кумушхон Файзуллаева 2002 йил 20 январь куни Навоий вилоятида туғилган. Ёш ва иқтидорли спортчимиз ўсмирлар ва ёшлар ўртасида Осиё ва жаҳон чемпионатлари ғолиби, 2018 йил Аргентинада ўтган ўсмирлар Олимпия ўйинлари чемпиони ҳисобланади. Спортчимиз Токио-2020 Олимпия ўйинларида -76 кг вазн тоифасида иштирок этиб, олтинчи натижани қайд этган.
Ўзбекистон Миллий Олимпия қўмитаси Кумушхон Файзуллаевани таваллуд айёми билан табриклаб, унга узоқ умр, сиҳат-саломатлик тилаб қолади.
