12 Январь 2022
1560
Саблячиларимиз Гран-При олдидан сўнгги машғулотларни ўтказишмоқда
Грузия пойтахти Тбилиси шаҳрида қиличбозларимиз олиб бораётган ўқув-машғулот йиғини ўз якунига етиб бормоқда. Владимир Назлимов бошчилигидаги саблячиларимиз машғулотларда Туркия, Болгария, Россия ва мезбон жамоа вакиллари билан ўз маҳоратларини оширмоқдалар.
Эртага йиғин доирасида сўнгги машғулотлар ўтказилади. Шундан сўнг спортчиларимиз йилнинг дастлабки йирик старти Тбилиси Гран-Присида иштирок этишади. Регламентга кўра, 14-16 январь кунлари яккалик, 17 январь куни жамоавий дастурда қиличбозларимиз ўз маҳоратларини намойиш қиладилар.
