22 Ноябрь 2021
1866
Чавандозимиз Бельгияда муваффақият қозонди
Бельгиядан хушхабар. От спортининг конкур йўналиши бўйича ўтказилган халқаро мусобақада ҳамюртимиз Абдураҳмон Абдуллаев ғалабага эришди.
“Sentower Park” клубида ўтган мусобақада чавандозимиз CSIJ Гран-при (140 см) дастурида муваффақиятли иштирок этди. “Avelino De Kross” лақабли отида вакилимиз энг юқори натижани қайд этиб, олтин медаль билан тақдирланди. Иккинчи ўрин британиялик Клаудия Морга насиб этган бўлса, кучли учликни чехиялик Оливер Писарик ёпиб берди.
