22 Ноябрь 2021
1806
Муроджон Аҳмадалиев тантанали кутиб олинди
АҚШнинг Манчестер шаҳрида ўтказилган жангда чилилик Хосе Веласкесни 12 раундлик жангда мағлубиятга учратиб, ўзининг WBA ва IBF камарларини ҳимоя қилган боксчимиз Муроджон Аҳмадалиев бугун Тошкентга қайтиб келди.
Чемпион боксчимиз Ислом Каримов номидаги Тошкент халқаро аэропортида тантанали равишда кутиб олинди. Маросимида Ўзбекистон бокс федерацияси раҳбарияти, Миллий Гвардия қўмондонлиги, ОАВ вакиллари, боксчининг яқинлари ва мухлислар иштирок этишди.
Йиғилганлар ҳамюртимизни навбатдаги муваффақиятли жанг билан табриклаб, унинг келгуси фаолиятида омад ва зафарлар тилаб қолишди.
