Эронлик профессор самарқандлик оғир атлетикачилар учун маҳорат дарслари ўтказди

Ўзбекистон оғир атлетика федерацияси ва Самарқанд ОЗК ҳамкорлигида ёш спортчилар учун ўқув-семинар ташкил этилди. Тадбир Эрон спорт академияси профессори Довуд Али Манаки иштирокида Самарқанд Олимпия захиралари коллежи ўқувчилари билан ўтказилди.

Тошкент мезбонлигида ўтказилган оғир атлетика бўйича жаҳон чемпионатига ташриф буюрган меҳмон, мусобақа якунлангач, Самарқандга ташриф буюрди. Маҳаллий ёшлар учун яратилган шароитлар, атлетларнинг кўзидаги иштиёқни кўрган Довуд Али Ўзбекистон оғир атлетикасини ёрқин келажак кутиб турганини таъкидлади ҳамда улар орасидан ҳам яқин келажакда Руслан Нурудинов ва Акбар Жўраев сингари Олимпиада чемпионлари етишиб чиқишига ишонишини айтиб ўтди.