16 Ноябрь 2021
1759
Камончиларимиз Осиё чемпионатининг бронза медали учун кураш олиб боришади
Маълум қилганимиздек, айни кунларда Бангладешда камондан отиш бўйича қитъа чемпионати бўлиб ўтмоқда. Саралаш баҳслари якунига кўра, аралаш жамоавий йўналишда вакилларимиз бронза медали учун курашни давом эттиришади.
Зиёдахон Абдусатторова ҳамда Амирхон Содиқов жуфтлиги Қозоғистон жамоасига қарши муросасиз кечган чорак финал баҳсида қўшимча имкониятларда устунлик қилиб, ярим финалга йўл олди. Бироқ Жанубий Кореяга қарши баҳсда вакилларимизга тажриба етишмади ва улар нариги жуфтликда мағлуб бўлган Ҳиндистон жамоаси билан беллашадиган бўлди.
Афсуски, яккалик ва жамоавий дастурда иштирок этган бошқа вакилларимиз медаллар учун курашни эрта тарк этишди. 19 ноябрь куни бўлиб ўтадиган беллашувда ҳамюртларимизга омад тилаймиз.
