Жаҳон кубогини кумуш медаль билан якунладик
Тошкентда қиличбозлик бўйича ёшлар ўртасида Жаҳон кубоги ўз якунига етди. Мусобақанинг сўнгги кунида сабля бўйича жамоавий йўналишда ғолиб ва совриндорлар аниқланди.
Турнирда юртимиз шарафини ҳимоя қилган қиличбозларимиз финалгача мардонавор етиб боришди. Ҳал қилувчи босқичда вакилларимиз мисрлик қиличбозларга қарши жанг қилишди, бироқ якунда омад африкалик спортчилар томонда бўлди. Учинчи ўрин учун кечган беллашувда россиялик қиличбозлар польшалик рақибларидан устун келишди.
Жаҳон кубоги, ёшлар.
Сабля, жамоавий:
1. Миср
2. Ўзбекистон (Ш.Мамутов, П.Генжебаев, Б.Расулов, Ж.Душамбоев)
3. Россия
Шу тариқа, қиличбозларимиз мазкур мусобақани 1 та кумуш ва 2 та бронза медаллари билан якунлашди. Эслатиб ўтамиз, бунагча рапирачиларимиз жамоавий дастурда ва саблячимиз Пазил Генжебаев яккаликда бронза медали билан тақдирланган эди.
