Ўзбекистон Миллий Олимпия қўмитаси ана шу спорт иншоотининг қурилишини қўллаб-қувватлаган Туризм ва спорт вазирлиги ҳамда Ўзбекистон гандбол федерациясига, шунингдек, беғараз ёрдам кўрсатган “Ipoteka-bank” акциядорлик тижорат ипотека банкига миннатдорчилик билдиради.
3 Декабрь 2021
1379
МОҚ раҳбари РОЗКда қурилган янги залга ташриф буюрди
Ҳукуматимизнинг қўллаб-қувватлаши билан Республика Олимпия захиралари коллежи қошида Ўзбекистон гандбол федерациясининг янги биноси ва спорт зали қуриб битказилмоқда. Бугун МОҚ раиси Рустам Шоабдураҳмонов коллежга ташриф буюриб, янги объект қурилиши билан танишди.
Ташриф чоғида Ўзбекистон гандбол федерацияси ва коллеж мутасаддилари МОҚ раҳбарига ҳамроҳлик қилишди. Даставвал Рустам Шоабдураҳмонов қурилиш лойиҳаси билан танишиб чиқди. Шундан сўнг объектни обдон айланиб, унинг фаолияти бўйича мутасаддилар билан суҳбатлашди.
Қайд этиш жоиз, гандболчиларимиз халқаро майдонда юқори натижаларни кўрсатиб келмоқда. Жумладан, аёллар жамоамиз бир неча кундан сўнг Испанияда старт оладиган жаҳон чемпионатида юртимиз шарафини ҳимоя қилишади. Замонавий шароитларга эга ушбу спорт зали турли ёшдаги терма жамоаларимиз учун асосий база вазифасини бажариб беради.
Сўз ўрнида МОҚ раиси бўлажак бино ўзбек спорти, хусусан, гандболи ривожини янги босқичга олиб чиқиш, келгусида жамоавий йўналишда ҳам Олимпия ўйинларига йўлланма олишдек улкан вазифаларни бажариш йўлида хизмат қилишини таъкидлади.
