Темур Кападзе: “Бизнинг мақсадимиз Париж-2024 Олимпиадасига йўлланма олиш”
Суперлига йўлланмаси учун ўтган “Олимпик” ва “Машъал” жамоалари ўртасидаги учрашувдан сўнг жамоамиз бош мураббийи Темур Кападзе матбуот анжуманида иштирок этиб, учрашув ҳақидаги фикрлари билан ўртоқлашди.
“Аввало, штабимиздаги барчани ғалаба билан табриклайман. 1 йил давомида катта ўсишга эришдик. Ўйинга ҳар томонлама яхши тайёрландик. “Машъал” кучли жамоа. Муборакликларнинг тартибли ўйини билан барча клублар уларга қарши баҳсда қийналишган. Статистикага назар ташлайдиган бўлсак, улар ҳеч қачон йирик ҳисобда мағлуб бўлишмаган. Уларнинг ўйинларини таҳлил қилиб, ушбу беллашувга тайёрландик. Бугун ҳаққоний ва иродали ғалабага эришдик. Бу йигитларимизнинг анча ўсганидан далолат беради. Суперлигага йўлланма олганимиз янада ўсишимиз кераклигини англатади. Бизнинг мақсадимиз Париж-2024 Олимпиадасига йўлланма олиш. Суперлигада келаси мавсум анча юқори савияли клубларга қарши ўйнаймиз”, – деди Темур Кападзе.
