Сайтнинг эски версияси

Сербияда ўтаётган бокс бўйича жаҳон чемпионатининг ярим финал беллашувлари биз учун муваффақиятли бошланди. Эътиборлиси, Абдумалик Халаков тўғридан тўғри финал йўлланмасини қўлга киритди.

-60 кг вазн тоифасида ажойиб жанг ўтказаётган юртдошимизга финал йўлида эронлик Дониёл Шоҳбахш рақиблик қилиши керак эди. Бироқ Шоҳбахшнинг жароҳати жиддий бўлгани боис рақиб рингга чиқмайдиган бўлди.

Халаковнинг финалдаги рақиби Франция ва Доминикан боксчилари ўртасидаги баҳс ғолиби бўлади. Кечки дастурда кубалик Хулио Ла Крузга қарши рингга кўтариладиган Мадияр Саидраҳимовга чиройли ғалаба тилаб қоламиз.