31 Октябрь 2021
2028
Лазизбек Муллажонов англиялик рақибидан устун келди
Белградда ўтказилаётган бокс бўйича жаҳон чемпионатида энг оғир вазн тоифасида иштирок этаётган Лазизбек Муллажонов (+92 кг) навбатдаги чиройли ғалабасини қўлга киритди.
Англиялик Делисиус Орьега қарши рингга кўтарилган вакилимиз ўзининг тезкор ва аниқ зарбалари билан ажралиб турди. Якунда бу ҳаракатлар ҳакамларнинг ҳам эътиборидан четда қолмади.
Шу тариқа Муллажонов чорак финалда арманистонлик Давит Чалоян билан ҳисоб-китоб қилади.
