Аҳролжон Рўзиев яна беш йил муддатга UWW вице-президентлигига сайланди
Сербия пойтахти Белград шаҳрида ёшлар ўртасидаги жаҳон чемпионатидан аввал Бирлашган кураш дунёси (UWW)нинг Конгресси ўтказилди.
Конгресснинг биз учун аҳамиятли томони шундаки, унда Ўзбекистон спорт курашлари ассоциацияси раиси ўринбосари, профессор Аҳролжон Рўзиев янги 5 йиллик муддатга UWW Бюроси аъзолиги учун сайланди.
Шунингдек, UWW Бюроси аъзолигига Фуад Мескут (Марокаш), Михаил Мамиашвили (Россия), Дон Рьян (Канада), Педро Гама Фильо (Бразилия), Лучо Канева (Италия) ҳам сайланишди.
Шунингдек, ташкилотнинг амалдаги раҳбари Ненад Лалович ҳам яна 5 йил муддат UWW президенти бўлиб иш олиб боради.
Маълумот учун, Аҳролжон Рўзиев 2014 йилдан то шу кунгача UWW вице-президенти лавозимида фаолият юритиб келмоқда. Айнан 2014 йил Тошкентда ўтган Конгрессда FILA номи UWWга ўзгартирилган эди. Шуниси билан ҳам Тошкент Конгресси тарихий ҳисобланади.
