30 Октябрь 2021
1474
Мирзаҳмедов чорак финал масаласини ижобий ҳал қилди
Сербияда ўтказилаётган бокс бўйича жаҳон чемпионатида ҳамюртимиз Нодиржон Мирзаҳмедов чорак финал йўлланмасини қўлга киритди.
Энг енгил вазн тоифасида иштирок этаётган вакилимиз (-48 кг) Рикки Несбиттга қарши рингга кўтарилди. Қизиқарли кечган беллашув якунда Мирзаҳмедовнинг ғалабаси билан якунланди ва у кейинги босқич масаласини ижобий ҳал қилди.
Аҳамиятлиси, юртдошимиз ярим финал йўлланмасини қўлга киритиш учун қозоғистонлик Темирташ Жуссупов қаршилигини енгиши талаб этилади.
