Суҳроб Ражабов жаҳон чемпионлиги учун, яна икки полвонимиз бронза медали учун курашади
Италиянинг Ольбия шаҳрида давом этаётган дзюдо бўйича ёшлар ўртасидаги жаҳон чемпионатининг бугунги куни биз учун муваффақиятли ўтмоқда. Қувонарлиси, 3 нафар вакилимиз кечки дастурда медаллар учун баҳс олиб борадиган бўлди.
Полвонларимиз орасида -100 кг вазн тоифасида иштирок этаётган Суҳроб Ражабов Қозоғистон, Бразилия, Словакия, Германия вакилларини мағлуб этиб, финал йўлланмасини қўлга киритди. Ҳал қилувчи босқичда у грузиялик Илия Суламанидзе билан куч синашади. Шунингдек, ушбу вазнда курашаётган Ўткирбек Тўрабоев ва энг оғир вазн тоифасида Шоҳруҳ Мамарасулов бронза медали учун татамига чиқишади.
Финал:
-100 кг: Суҳроб Ражабов – Илия Суламанидзе (Грузия)
Бронза медали учун:
-100 кг: Ўткирбек Тўрабоев – Килиан Каппельмайер (Германия)
+100 кг: Шоҳруҳ Мамарасулов – Иракли Демерташвили (Грузия)
Кечки дастурда курашадиган учала ҳамюртимизга омад ва зафарлар тилаб қоламиз!
