Уч вазн тоифасида тўрт дзюдочимиз курашади
Италиянинг Ольбия шаҳрида дзюдо бўйича ёшлар ўртасида жаҳон чемпионати давом этади. Бугун ўрта вазн тоифаларида беллашувлар кутиб турибди.
Регламентга кўра, ушбу кун дастурида 3 вазн тоифасидаги баҳслар ўтказилади. Унда қуйидаги 4 нафар вакилимиз юртимиз шарафини ҳимоя қилишади:
-73 кг: Жайҳунбек Назаров – Кантемир Хазметов (Россия)
-57 кг: Шукуржон Аминова – Ксения Лагицкая (Россия)
-63 кг: Фарангниз Ҳожиева – Каролина Дельгадо (Кабо-Верде)
-63 кг: Фарангниз Режепова – Акулина Чаеб (Ливия)
Биринчи кун баҳсларида йигитларимиздан Камолиддин Бахтиёров (-60 кг) бронза медали учун курашда имкониятни бой бериб қўйган бўлса, Абдулбосит Абдусалимов (-66 кг) еттинчи ўрин билан кифояланди. Қизларимиз эса медаллар учун курашни эрта тарк этишди. Бугун татамига чиқадиган вакилларимизга омад тилаб қоламиз.
