МОҚда “Тил – миллат кўзгуси” шиори остида тадбир бўлиб ўтди
21 октябрь – ўзбек тилига давлат тили мақоми берилган кун муносабати билан бир қатор тадбирлар ўтказилмоқда. Ўзбекистон Миллий Олимпия қўмитасида ҳам ушбу санага бағишланган тадбир бўлиб ўтди.
Уни Ўзбек Миллий академик драма театрининг дарғалари, Ўзбекистон халқ артистлари Ёдгор Саъдиев, Гавҳар Зокирова, Зуҳра Ашурова очиб беришди. Тадбир МОҚ ҳамда унинг қошидаги Республика спорт тиббиёти илмий-амалий маркази билан ҳамкорликда ташкил этилди.
Dastavval so‘z mulkining sultoni Hazrat Alisher Navoiy ijodiga murojaat qilinib, Oybekning “Navoiy” romanidan epizodlar qo‘yib berildi.
Shundan so‘ng Markaz xodimlari O‘zbekiston xalq shoirlari Xurshid Davron va Muhammad Yusuf kabi el sevgan ijodkorlarning o‘zbek tiliga oid she’rlarini yod olib berishdi. Boy o‘zbek so‘zlari bilan yangraydigan ona allasi haqidagi sahna ko‘rinishi esa tadbirga o‘zgacha shukuh berdi.
Yakunda MOQ rahbari Rustam Shoabdurahmonov Prezidentimizning o‘zbek tilining mavqeyini yanada mustahkamlash yo‘lida olib borayotgan islohotlari, ma’naviy-ma’rifiy sohalarga berilayotgan e’tibor xususida gapirib, bu kabi tadbirlarni yanada keng tatbiq qilish fikrini ilgari surdi.
