Мустақиллигимизнинг 30 йиллик шодиёнаси билан турли спорт мусобақалари ўтказилаётгани ҳақида маълум қилган эдик. Ана шундай тадбирлардан бири от спортининг конкур йўналиши бўйича ташкил этилди.

«Пахтакор» спорт мажмуасида ўтган тадбирда юртимизнинг турли чеккаларидан келган чавандозлар ғолиблик учун баҳс олиб боришди. Мусобақа ёш отларда баландлиги 110 см бўлган тўсиқлар ва катта отларда 120 см баландликлардан ўтиш бўйича ташкил этилди. Кичик тоифада Бобуржон Валижонов ўз ғалабасини тантана қилган бўлса, асосий йўналишда “Колибри” отида иштирок этган Дилмурод Абдураҳмонов устун келди.

110 см тўсиқда, болалар:
1. Бобуржон Валижонов (“Колорадо”, от лақаби)
2. Арина Даминова (“Гудман Жи”)
3. Дилшод Шокиров (“Алонсо 43”)

120 см баландликдаги тўсиқ:
1. Дилмурод Абдураҳманов (“Колибри”)
2. Мирзоҳид Мусаев (“Абажа Дос Дарадос”)
3. Жасур Хатамбеков (“Лаки Стар”).