Пара-таэквондочимиз Гулжаной Наимова (+58 кг) Токио-2020 Паралимпия ўйинларидаги муваффақиятли юришини давом эттирмоқда. Ҳозиргина якунланган жангда ҳамюртимиз финал йўлланмасини қўлга киритди.

Британиялик Эми Трусдейлга қарши баҳс олиб борган спортчимиз ўзининг тажрибаси билан яққол ажралиб турди ва йирик ҳисобда баҳс тақдирини ўз фойдасига ҳал қилди. Энди ҳамюртимиз финалда Украина ва Бразилия вакилалари ўртасидаги баҳс ғолиби билан Паралимпиада чемпионлигини ҳал қилади. Тошкент вақти билан 17:00 да бошланадиган бўлажак жангда Наимовага омад тилаймиз!