МОҚ жонкуяр спорт фидойиларини давлат мукофотлари билан қутлайди
Ўзбекистон Республикаси Президенти Шавкат Мирзиёев Мустақиллигимизнинг 30 йиллиги муносабати билан фан, таълим, соғлиқни сақлаш, маданият, санъат, ОАВ соҳалари қатори бир гуруҳ спорт фидойилари ҳам давлат мукофотлари билан тақдирлаш ҳақида фармонга имзо чекди. Унда юртимизда соғлом турмуш тарзи, жисмоний тарбия ва спорт тарғиботини ривожлантириш йўлида меҳнат қилаётган бир гуруҳ ҳамюртларимизнинг ҳам исмлари келтириб ўтилган.
«Ўзбекистон Республикасида хизмат кўрсатган ёшлар мураббийси» фахрий унвони билан:
Исоқов Тўлаган Ўлмасович – Ўзбекистон футбол ассоциациясининг фахрийлар билан ишлаш бўлими бошлиғи,
Матхаликов Исмоилжон Икромжонович – Республика олимпия захиралари коллежининг гандбол бўйича мураббийси,
«Ўзбекистон Республикасида хизмат кўрсатган спорт устози» фахрий унвони билан:
Эргашев Абдикамол Хасанович – Чироқчи туманидаги 1-болалар ва ўсмирлар спорт мактаби шахмат мураббийси, Қашқадарё вилояти,
«Дўстлик» ордени билан:
Каримов Шукрилла Хамидиллаевич – Ўзбекистон хоккей федерацияси бош котиби,
Растригин Вячеслав Василевич – Спортнинг қишки ва мураккаб техник турлари бўйича Республика олий спорт маҳорати мактаби триатлон бўйича мураббийси,
Саватюгин Олег Михайлович – Спорт ўйинлари бўйича республика олий спорт маҳорати мактабининг бадминтон бўйича бош мураббийси,
Штерн Владимир Аронович – Ўзбекистон футбол ассоциациясининг фахрийлар кенгаши аъзоси,
I даражали «Соғлом авлод учун» ордени билан:
Бобажонов Боғибек Шарипович – Хонқа туманидаги болалар ва ўсмирлар спорт мактаби директори, Хоразм вилояти,
II даражали «Соғлом авлод учун» ордени билан:
Ахмедов Анваржон Хомидович – Спортнинг якка кураш турларига ихтисослаштирилган болалар ва ўсмирлар спорт мактаби от спорти бўйича бош мураббийси,
Казаков Аллаяр Раджапович – Қорақалпоқ давлат университетининг жисмоний маданият назарияси ва методикаси кафедраси доценти, Қорақалпоғистон Республикаси,
Яфаров Шамил Газисович – Ўзбекистон футбол ассоциациясининг фахрийлар кенгаши аъзоси,
«Соғлом турмуш» медали билан:
Баймуратова Жамила Абдижалиевна – Олимпия ва миллий спорт турлари бўйича Нукус олий спорт маҳорати мактабининг баскетбол бўйича мураббийси, Қорақалпоғистон Республикаси,
Балтабаев Расул Тухтабаевич – Элликқалъа тумани болалар ва ўсмирлар спорт мактабининг самбо кураши бўйича мураббийси,
Гаюпов Анаркул Сатимбекович – Спортнинг қишки ва мураккаб техник турлари бўйича республика олий спорт маҳорати мактаби тоғ чанғиси бўйича мураббийси,
Мирзахалов Илхомжон Эркинович – Чуст туманидаги болалар ва ўсмирлар спорт мактаби услубчиси, Наманган вилояти,
Оленникова Фаина Михайловна – «Бунёдкор» стадиони қошидаги велоспорт тўгараги фахрий аъзоси, Тошкент шаҳри,
Примова Санам Жумиёзовна – Урганч олимпия захиралари коллежининг волейбол бўйича мураббийси, Хоразм вилояти,
Саидходжаев Собирходжа Султанходжаевич – Фарғона вилояти спорт ўйинлари ва енгил атлетикага ихтисослаштирилган болалар ва ўсмирлар спорт мактаби директори,
Хакимов Карим – фахрий велоспортчи, Фарғона вилояти,
«Келажак бунёдкори» медали билан:
Қурбонов Бекзод Набиевич – От спорти бўйича Республика олий спорт маҳорати мактаби спортчиси,
Пўлатов Лазиз Азамат ўғли – Республика ўсмирлар олий спорт маҳорати мактабининг таэквондо бўйича мураббийси,
Семенова Ирина Мурадовна – Шахмат бўйича Ўзбекистон аёллар терма жамоаси аъзоси,
Ташкенбаева Сабина Талат қизи – Гимнастика бўйича Республика олий спорт маҳорати мактабининг бадиий гимнастика бўйича спортчиси,
«Шуҳрат» медали билан:
Абдуллоев Манучехр Муродуллоевич – Спортнинг эшкак эшиш турлари бўйича республика ихтисослаштирилган олимпия захиралари болалар ва ўсмирлар спорт мактаби академик эшкак эшиш бўйича катта мураббийси,
Исмаилов Дилшод Рахманалиевич – Гулистон олимпия захиралари коллежининг эркин кураш бўйича мураббийси, Сирдарё вилояти,
Исоқов Ғайрат Суюндикович – Жомбой туманидаги «Чорвачи» фермер хўжалиги бошлиғи, чавандоз, Самарқанд вилояти,
Турсунова Манзура Турсуновна – Жарқўрғон туманидаги болалар ва ўсмирлар спорт мактаби кураш бўйича мураббийси, Сурхондарё вилояти.
Ўзбекистон Миллий Олимпия қўмитаси мамлакатимизда Олимпизм ғоялари ва соғлом турмуш тарзи тарғиботини татбиқ этишда жонбозлик кўрсатаётган ушбу ҳамюртларимизни давлатимизнинг юксак мукофотлари билан қутлаб, уларга узоқ умр ва сиҳат-саломатлик тилаб қолади. Шу билан биргаликда, спорт соҳаси вакилларига ҳам қаратаётган шундай эътибори ва ғамҳўрлиги учун юртбошимизга чуқур миннатдорчилик билдиради.
