4 нафар самбочимиз FIAS Президенти кубогида олтин медаль учун кураш олиб боришди
Хабар бериб ўтганимиздек, Россия Федерациясининг Санкт-Петербург шаҳрида самбо бўйича FIAS (Халқаро самбо федерацияси) президенти соврини учун мусобақа ташкил этилди. Унда жаҳоннинг 21 мамлакатидан 80 нафарга яқин спортчи совринли ўринлар учун кураш олиб борди. Мукофот жамғармаси 189 минг АҚШ долларини ташкил этувчи баҳсларда ўзбекистонлик самбочилар ҳам иштирок этишди ва 4 та кумуш медаль қўлга киритишди.
Терма жамоамиз вакиллари ичида Ҳомиджон Мўминов (-64 кг), Сарбон Эрназаров (-71 кг), Улуғбек Раҳмонов (-79 кг) ва Ихтиёр Эшмуродов (-88 кг) финалгача етиб бориб, якунда кумуш медалга сазовор бўлишди.
Мусобақа регламентига биноан спортчиларимиз кумуш медаль билан бирга 7 минг АҚШ доллари миқдоридаги мукофот пулига ҳам эга чиқишди.
Ўзбекистон самбо ассоциацияси матбуот хизмати
