6 Август 2021
1376
Бекзод Абдураҳмонов бронза медали учун курашади
Эркин курашчимиз Бекзод Абдураҳмонов (-74 кг) Токио-2020 Олимпия ўйинларининг бронза медали учун курашиш имкониятига эга бўлмоқда. Полвонимиз ўтиш босқичини муваффақиятли тугатди.
Гвинея-Биссау вакили Аугусто Миданага қарши беллашув ҳамюртимизнинг тўлиқ устунлигида ўтди ва Абдураҳмонов катта қийинчиликсиз ғалаба қозонди. Энди у кечки дастурда бронза медали учун қозоғистонлик Данияр Кайсановга қарши гиламга чиқади.
