Шаҳрам Аҳадов ва Обидхон Нўмонов биз учун бугунги кун қаҳрамонларига айланишди. -73 кг вазн тоифасида қатнашган ҳар икки дзюдочимиз ғалабага бўлган иштиёқларини муносиб тарзда намойиш этишди. Афсуски, бронза медали учун баҳсда жароҳат олган Обидхон Нўмонов тақдирлаш маросимида иштирок эта олмади. Нўмоновнинг тезроқ соғайиб, янада кучли бўлиб қайтишини тилаб қоламиз. Ғолиб ва совриндорларга медалларни Осиё Олимпия кенгаши вице-президенти Отабек Умаров топширди.

Достон Рўзиев бугун фаолиятида муҳим ғалабага эришди. Боиси, ҳамюртимиз илк бор IJF таснифидаги мусобақаларнинг финалида иштирок этибгина қолмай, олтин медални ҳам қўлга киритди. Дзюдочимиз партердаги ажойиб ҳаракатлари билан рақибларидан бир бош устун эканини кўрсатди. Бу олтин медаль Рўзиевга жаҳон ва Париж-2024 рейтинги учун 1000 очко тақдим қилди. Дзюдочимиз олтин медални Спорт вазири Адҳам Икрамовдан қабул қилиб олди. Чемпионлик баҳси ва тақдирлаш маросимидан ёрқин суратларни улашамиз:

Гулҳаё Жўраева бугунги иштироки билан -52 кг вазн тоифасида Келдиёрова ва Қадамбоевага муносиб рақобатчи бўлиб етишиб чиқаётганини кўрсатди. Жаҳон рейтингида 59-поғонада келаётган Жўраева ярим финалда 6-ўринда турган Олимпия ўйинлари ва жаҳон чемпионати совриндори, буюк британиялик Челси Жайлсдан устун келди. Гарчи у ҳал қилувчи баҳсда Токио-2020 Олимпия ўйинларининг финалчиси, дунё биринчилигининг кўп карра совриндори, жаҳон рейтингида 3-ўринда турган франциялик Амандин Бушарга имкониятни бой берган бўлса ҳам мухлис ва мутахассислар ўзлари учун янги истеъдодни кашф этишди. Дзюдочимизни МОҚ Бош котиби Ойбек Касимов тақдирлади.

Оғир атлетикачиларимиз Осиё чемпионатини юқори нотада якунлашди. Нурудинов ҳамон оғир вазн тоифасида қитъамизда тенгсиз эканини кўрсатган бўлса, Шарофиддин Амриддиновнинг даст кўтаришда олган олтин медали унга муносиб авлод етишиб чиқаётганидан далолат беради. Энг оғир вазн тоифасида қатнашган Рустам Жангабаев ҳам бугун шоҳсупага кўтарилиб, терма жамоа учун яна бир қимматли медаль тақдим этди. Полвонларимизнинг иштироки ва тақдирлаш маросимидан суратларни улашамиз

Кун қаҳрамони, мутлақ Осиё чемпиони Акбар Жўраевнинг чиқиши ва тақдирлаш маросимидан ёрқин суратлар

Суннатилла Ўсаров ва Ригина Адашбаева оғир атлетикачиларимиз учун бугунги кунни юқори нотада якунлаб беришди. Ҳамюртларимизнинг Осиё чемпионатидаги иштироки ва тақдирлаш маросимидан ёрқин суратлар

Келаси ой Австралияга қарши муҳим ўйинларга тайёргарлик кўраётган футбол бўйича Ўзбекистон аёллар терма жамоасининг машғулоти МОҚ объективи нигоҳида

Канвон-2024 IV қишки ўсмирлар Олимпия ўйинларинниг тантанали очилиш маросимидан ёрқин суратлар

Пойтахтимиздаги "Renaissance hall" саройида “Миллий спорт мукофоти-2023” — спорт бўйича йилнинг энг яхшиларини тақдирлаш маросими ўтказилди. Унда турли номинациялар бўйича йил лауреатлари аниқланди.

Футболчиларимиз юксак ирода намойиш этган ўйиндан ёрқин галерея

Жаҳон бокси афсоналари Майк Тайсон ва Эвандер Холифилд меҳмон бўлган, ўзбек боксчилари учун янги трамплин вазифасини ўтаб берган WBC&Lift профессионал бокс оқшомидан ёрқин галерея. Янада кўпроқ суратлар учун ҳавола:

“Ҳумо арена”да ўтадиган жанг олдидан боксчилар вазн ўлчаш ва face-to-face маросимларида иштирок этишди. Эртага бизни шиддатли баҳслар кутмоқда. Барча керакли вазн меъёрини бажарди. Бўлажак жангларда юртдошларимизга омад тилаймиз!