Ёш хоккейчиларимизнинг Осиё-Океания чемпионатидаги муваффақияти юртимизда нафақат жамоавий, балки қишки спорт турлари ҳам ривож топиб бораётганини яна бир карра кўрсатди. Титулни ҳимоя қилиш учун майдонга тушган йигитларимиз иродали ғалаба билан кубокни ўзимизда олиб қолишди. Тақдирлаш маросимида Халқаро муз устида хоккей федерацияси, Ўзбекистон Республикаси Спорт вазирлиги ва Миллий Олимпия қўмитаси раҳбарияти иштирок этиб, ҳамюртларимизни қўлга киритган муваффақиятлари билан қутлашди.