Bugun poytaxtimizdagi “Olimpiya shaharchasi”da qilichbozlikning sablya yoʻnalishi boʻyicha Jahon kubogining navbatdagi bosqichiga start berildi. Ayollar oʻrtasida tashkil etilayotgan musobaqada 25 mamlakatdan 150 nafardan ortiq sportchi ishtirok etmoqda.

Dasturga koʻra, bugun dastlabki saralash bosqichi boʻlib oʻtadi. Ertaga ochilish marosimi va hal qiluvchi bosqich bahslari tashkil etilsa, 29-mart sanasidan jamoaviy yoʻnalishdagi janglar oʻrin olgan.