27-29-mart kunlari Toshkent qilichbozlikning sablya yoʻnalishi boʻyicha Jahon kubogi bosqichini qabul qiladi. Ayollar oʻrtasida tashkil etiladigan mazkur musobaqada dunyoning eng kuchli sablyachilari jam boʻlishadi.

Bellashuvlar “Olimpiya shaharchasi”da tashkil etilishi rejalashtirilgan. Dasturga koʻra, 27-28-mart kunlari yakkalik, 29-mart kuni esa jamoaviy yoʻnalishda gʻolib va sovrindorlar aniqlab olinadi.