28 Fevral 2026
209
Toshkent “Katta dubulgʻa” turnirining ochilish marosimi boʻlib oʻtdi
“Humo arena”da dzyudo boʻyicha Toshkent “Katta dubulgʻa” turnirining tantanali ochilish marosimi oʻtkazildi. Tadbirda Xalqaro dzyudo federatsiyasi (IJF) Prezidenti Marius Vizer, Oʻzbekiston Respublikasi Sport vazirligi, MOQ va mamlakat dzyudo federatsiyasi rahbariyati, shuningdek, majmuaga yigʻilgan minglab muxlislar va OAV xodimlari ishtirok etishdi.
Marosimda soʻz olgan rasmiylar Oʻzbekiston IJF ning faol aʼzolaridan biri ekani, Toshkent beshinchi bor mezbonlik qilayotgan “Katta dubulgʻa” turniri yuqori saviyada oʻtkazilayotganiga alohida toʻxtalib oʻtishdi.
Marosim yakuniga yetgach bugungi kun dasturidan oʻrin olgan final bellashuvlari boshlandi.
