9 Dekabr 2025
171
FIA Prezidenti Islom sivilizatsiyasi markaziga tashrif buyurdi
Xalqaro avtosport federatsiyasi (FIA) Prezidenti Muhammad Ben Sulayem boshchiligidagi delegatsiya bugun Islom sivilizatsiyasi markaziga tashrif buyurdi. Ularga Sport vazirligi hamda Milliy Olimpiya qoʻmitasi rahbariyati hamrohlik qildi.
Tashrif chogʻida mehmonlarga Oʻzbekistondagi boy islom tarixi, madaniy merosi va markazda saqlanayotgan bebaho maʼnaviy yodgorliklar haqida atroflicha maʼlumot berildi. Xususan, janob Ben Sulayem mamlakatimizda sport yoʻnalishidan tashqari maʼrifiy yoʻnalishda amalga oshirilayotgan loyihalar, madaniy merosni asrash va targʻib qilish borasidagi ishlar bilan yaqindan tanishdi.
