Osiyo Olimpiya kengashi (OOK) tashkilotning Atletlar komissiyasi tarkibiga saylanish uchun nomzodlarni eʼlon qildi. Unda taekvondo WT boʻyicha Oʻzbekiston terma jamoasi aʼzosi, Xanchjou-2022 Osiyo oʻyinlari sovrindori Jasurbek Jaysunov Markaziy Osiyo mintaqasidan nomzodlar qatorida qayd etilgan.

Uning raqiblari qoyani zabt etish boʻyicha Parij-2024 Olimpiya oʻyinlari ishtirokchisi, qozogʻistonlik Amir Maymuratov hamda eronlik taekvondochi, Parij-2024 Olimpiadasi chempioni Arian Salimi boʻladi.

Ovoz berish jarayoni Aichi-Nagoya-2026 Osiyo oʻyinlari davomida, 20-sentyabrdan 2-oktyabrga qadar Yaponiyada boʻlib oʻtadi. Ovoz berishda faqat Osiyo oʻyinlarida ishtirok etayotgan sportchilar qatnashishi mumkin.