“Olimpiya shaharchasi” mezbonlik qilgan ogʻir atletika boʻyicha oʻsmirlar va yoshlar oʻrtasidagi Osiyo chempionati oʻz yakuniga yetdi. Musobaqaning soʻnggi kunida yigitlar oʻrtasida eng ogʻir vazn toifasida medallar oʻynaldi. Unda yoshlar oʻrtasida +110 kg vazn toifasida ishtirok etgan yurtdoshimiz Omadillo Olimov siltab koʻtarish va ikki kurash yoʻnalishlarda oltin medallarga egalik qildi.

Shu tariqa, 8 kun davom etgan bellashuvlarda oʻzbekistonlik yosh atletlar quyidagicha medallarni qoʻlga kiritishdi:

Yoshlar toifasida:
7 ta oltin 🥇
10 ta kumush🥈
6 ta bronza 🥉
Jami: 23 ta

Oʻsmirlar toifasida:
6 ta oltin 🥇
8 ta kumush 🥈
14 ta bronza 🥉
Jami: 28 ta

Shuningdek, sportchilarimiz quyidagi 4 yoʻnalishda umumjamoa hisobida birinchi boʻlishdi:
— Yoshlar toifasidagi umumiy ochkolar jamgʻarish;
— Yosh qizlar toifasidagi ochkolar jamgʻarish;
— Oʻsmirlar toifasidagi umumiy ochkolar jamgʻarish;
— Oʻsmir yigitlar toifasidagi ochkolar jamgʻarish.

Oʻzbekiston Milliy Olimpiya qoʻmitasi mazkur musobaqada qoʻlga kiritilgan yuksak natija bilan mamlakat ogʻir atletika federatsiyasi, sportchi va murabbiylarimizni, muxlislarimizni samimiy qutlaydi.