Tojikiston Respublikasida futbol boʻyicha CAFA U20 Women’s Championship 2026 musobaqasi tashkil etildi. Turnirning so‘nggi turida O‘zbekiston U20 ayollar terma jamoasi mezbon Tojikiston U20 terma jamoasiga qarshi maydonga tushib, yirik 7:0 hisobida g‘alaba qozondi.

Shu tariqa Viktoriya Sirota boshchiligidagi O‘zbekiston U20 ayollar terma jamoasi musobaqani 3 uchrashuvda 7 ochko bilan yakunlab, CAFA U20 Women’s Championship 2026 turniri g‘olibiga aylandi.

Jamoamiz bundan avvalgi oʻyinlarda Eron U20 bilan 1:1 hisobida durang qaytgan va Qirgʻiz Respublikasi U20 jamoasini esa 1:0 hisobida magʻlubiyatga uchratgan edi.