Misrning Ismoiliya shahrida ogʻir atletika boʻyicha yoshlar oʻrtasidagi jahon chempionati oʻz yakuniga yetdi. Musobaqaning soʻnggi kunida eng ogʻir vazn toifasida (+110 kg) ishtirok etgan Omadillo Olimov 2 ta bronza medaliga ega chiqdi.

Hamyurtimiz dast koʻtarish mashqida 169 kg bilan toʻrtinchi oʻrinni egalladi. Siltab koʻtarishda 219 va umumiy hisobda 388 kg natija koʻrsatgan polvonimiz ushbu yoʻnalishlarda bronza medalini qoʻlga kiritdi.

Shu tariqa, yosh ogʻir atletikachilarimiz dunyo birinchiligini 1 ta kumush va 3 ta bronza medallari bilan yakunlashdi.