Poytaxtimizda oʻtkazilayotgan xalqaro sport tadbirlari doirasida bir qator nufuzli tashkilotlar rahbarlari bilan uchrashuvlar boʻlib oʻtmoqda. Xususan, bugun Osiyo Paralimpiya qoʻmitasi prezidenti Majid Rashid bilan muzokaralar tashkil etildi.

Uchrashuvda Sport vazirligi, Milliy Olimpiya qoʻmitasi hamda Milliy Paralimpiya qoʻmitasi rahbariyati ishtirok etdi. Suhbat davomida mamlakatimizda jismoniy tarbiya va sportni, shu jumladan Olimpiya va Paralimpiya harakatini yanada rivojlantirish, yoshlar uchun keng imkoniyatlar yaratish masalalari muhokama qilindi.

Oʻz navbatida, janob Majid Rashid Oʻzbekiston delegatsiyasini Dubay-2025 yoshlar Para Osiyo oʻyinlaridagi muvaffaqiyatli ishtiroki bilan yana bir bor tabriklab, yurtimizda sport sohasida amalga oshirilayotgan islohotlarga yuqori baho berdi.

Uchrashuv yakunida tomonlar oʻzaro hamkorlikni yanada mustahkamlash va istiqbolli rejalarni amalga oshirish boʻyicha fikr almashdilar.