Sport vazirligida Malayziyaning “Spora Global Sdn Bhd” kompaniyasi mutasaddilari bilan uchrashuv boʻlib oʻtdi. Unda vazir oʻrinbosari Shahrullo Mahmudov, Oʻzbekiston Milliy Olimpiya qoʻmitasi Bosh kotibi Oybek Kasimov hamda mamlakat golf federatsiyasi raisi Dilshod Toxirov ishtirok etdi.

Uchrashuv davomida Toshkent viloyati hududida zamonaviy golf-kurort majmuasini barpo etishga qaratilgan loyiha muhokama qilindi. Tomonlar ushbu tashabbusning iqtisodiy va ijtimoiy ahamiyati, shuningdek, golf sport turini mamlakatimizda yangi bosqichga olib chiqish, xalqaro musobaqalarni oʻtkazish va sport turizmini rivojlantirish borasidagi istiqbollari yuzasidan atroflicha fikr almashdilar.