Qilichbozimiz Zaynab Dayibekovaning g‘alabali yurishi davom etmoqda. Hamyurtimiz Tokio-2020 Olimpiadasining chorak final yo‘llanmasini qo‘lga kiritdi.

Qilichbozimiz nimchorak finalda janubiy koreyalik Ji Su Yun bilan ro‘baro‘ keldi. Hamyurtimizning ustunligida kechgan bahs Dayibekovaning 15:12 hisobidagi g‘alabasi bilan yakunlandi.

Sablyachimiz yarim final yo‘llanmasi uchun rossiyalik Sofiya Velikaya va italiyalik Vechi Irene o‘rtasidagi bahs g‘olibiga qarshi maydonga chiqadi.