25 Iyul 2021
1826
Olga Zabelinskaya Tokio-2020 Olimpiadasidagi ishtirokini yakunladi
Velosportning shosse yo‘nalishida ishtirok etgan hamyurtimiz Olga Zabelinskayaning Olimpiadadagi ishtiroki yakunlandi. Biroz avval vakilimiz 137 kilometrga kechgan guruh poygasi yo‘nalishida finish chizig‘ini kesib o‘tdi.
Asosan Yevropa vakillari bilan kechgan kuchli raqobatda hamyurtimiz to‘qqizinchi bo‘lib marra chizig‘ini kesib o‘tdi. Poygada avstriyalik Anna Kizenxofer g‘alabani qo‘lga kiritgan bo‘lsa, niderlandiyalik Annemik van Vluten kumush medalga sazovor bo‘ldi. Italiyalik Eliza Borgini esa kuchli uchlikni yakunlab berdi. Ahamiyatlisi, Zabelinskaya osiyolik sportchilar orasida eng yaxshi natijaga mualliflik qildi.
