Bugun Tojikiston poytaxtida dzyudo boʻyicha “Katta dubulgʻa” turniri start oldi. Yengil vazn toifalarida kechgan dastlabki kun bellashuvlarida Oʻzbekiston terma jamoasi 1 tadan kumush va bronza medallariga sazovor boʻldi.

Kumush medalni -52 kg vazn toifasida bellashgan Muhayyo Ahtamova qoʻlga kiritdi. Hamyurtimiz finalda jamoaviy yoʻnalishda ikki karra Olimpiada chempioni, fransiyalik Amandin Busharga imkoniyatni boy berdi. Bronza medalini esa -66 kg vazn toifasida kurashgan Artyom Shturbabin jamoamiz hisobiga keltirdi.

 Kumush medal:
-52 kg: Muhayyo Ahtamova

 Bronza medal:
-66 kg: Artyom Shturbabin

Ertaga oʻrta vazn toifalaridagi bellashuvlar tashkil etiladi.