Braziliya mezbonlik qilayotgan boks boʻyicha Jahon kubogining yarim finallari yakunlandi. Ortda qolgan kun ringga koʻtarilgan uch nafar yurtdoshimizning barchasi ishonchli gʻalabalar bilan final yoʻllanmasini qoʻlga kiritishdi.

-55 kg: Mirazizbek Mirzahalilov — Xose Felipe (Gvatemala) 5:0
-80 kg: Javohir Ummataliyev — Dias Moljigitov (Qozogʻiston) 5:0
-85 kg: Akmaljon Isroilov — Yakub Strashevski (Polsha) 5:0

Bugun Jahon kubogida oʻz vaznining dastlabki gʻoliblari aniqlanib, 7 nafar bokschimiz chempionlik uchun ringga koʻtarilishadi. Juftliklar bilan tanishing:

-50 kg: Asilbek Jalilov — Niki Kummings (Fransiya)
-75 kg: Fazliddin Erkinboyev — Kaue Belini (Braziliya)
-85 kg: Akmaljon Isroilov — Daulet Tulemissov (Qozogʻiston)
-90 kg: Toʻrabek Habibullayev — Isaak Okoh (Angliya)
-55 kg: Mirazizbek Mirzahalilov — Nursultan Altinbek (Qozogʻiston)
-80 kg: Javohir Ummataliyev — Voderley Perreyra (Braziliya)
+90 kg: Jahongir Zokirov — Damar Tomas (Angliya)