Gruziyaning Tbilisi shahrida dzyudo boʻyicha “Katta dubulgʻa” turniri start oldi. Yengil vazn toifalarida kechgan bellashuvlarda Oʻzbekiston terma jamoasi hisobiga ikkita bronza medali yozildi.

Har ikki medalga -66 kg vazn toifasida bahs olib borgan vakillarimiz Azizbek Ortiqov hamda Abdurahim Nutfillayev egalik qilishdi. Uchinchi oʻrin uchun bahsda Ortiqov ozarbayjonlik Rashad Yelkiyev, Nutfillayev esa mezbon Lasha Nadiradzedan ustun keldi.