Serbiyaning Nish shahrida boks boʻyicha ayollar oʻrtasidagi jahon chempionati oʻz yakuniga yetdi. Unda Oʻzbekiston terma jamoasi muvaffaqiyatli ishtirok etib, oʻz tarixida ilk bor 1 ta kumush va 3 ta bronza medallariga sazovor boʻldi.

-66 kg vazn toifasining final jangida Navbahor Hamidova Olimpiada va jahon chempioni, turkiyalik Busenaz Surmenliga imkoniyatni boy berib, kumush medal bilan taqdirlandi. Shunday boʻlsa ham, u kattalar oʻrtasidagi dunyo birinchiliklarining finalida ringga koʻtarilgan birinchi oʻzbekistonlik bokschi qizga aylandi. Musobaqada shohsupaga koʻtarilgan hamyurtlarimizni eslab oʻtamiz:

 Kumush medal:
-66 kg: Navbahor Hamidova

 Bronza medal:
-48 kg: Farzona Fozilova
-50 kg: Sabina Boboqulova
-52 kg: Feruza Kazakova

Oʻzbekiston Milliy Olimpiya qoʻmitasi ushbu jahon chempionatida qoʻlga kiritilgan tarixiy natija bilan mamlakat boks federatsiyasi, murabbiylar shtabi hamda sportchi qizlarimizni samimiy qutlaydi.