Joriy yil oʻzbek sportida seleksion xarakterga ega “Yangi Oʻzbekiston Olimpiya choʻqqilari” musobaqasi yoʻlga qoʻyilishi kutilmoqda. Bugun Oʻzbekiston Milliy Olimpiya qoʻmitasida Sport vazirligi va MOQ rahbariyati hamda sport federatsiyalarining masʼullari ishtirokida ushbu musobaqani tashkil etishga oid yigʻilish oʻtkazildi.

Rejaga kora, bellashuvlar dastlab mintaqalararo, soʻng viloyat va Respublika bosqichlarida tashkil etiladi. Suhbat davomida musobaqa dasturidan oʻrin oladigan sport turlari va yosh toifalarini shakllantirish boʻyicha fikr almashildi.