Tailandning Pattaya shahrida slalomda eshkak eshish boʻyicha xalqaro musobaqalar boʻlib oʻtmoqda. Ularda startga chiqqan Oʻzbekiston terma jamoasi aʼzosi Anvar Klevleyev oltin va kumush medallarga sazovor boʻldi.

Kanoechimiz dastlab “Sea Open” musobaqasida kumush, soʻngra “Thailand open” turnirida oltin medal sohibiga aylandi. Endi hamyurtlarimiz ushbu shaharda 12-martgacha tashkil etiladigan U18 va U23 yosh toifalaridagi qitʼa birinchiliklarida ishtirok etishadi.