Oʻzbekiston Milliy Olimpiya qoʻmitasi Sizlarni bahorning eng goʻzal va eng nafis bayrami – 8-mart, Xalqaro xotin-qizlar kuni bilan samimiy tabriklaydi!

Sizning fidokorligingiz, sabr-matonatingiz va joʻshqin energiyangiz nafaqat oilalarimiz, balki butun jamiyatimizga fayz kiritadi. Ayniqsa, Oʻzbekiston sharafini xalqaro maydonda himoya qilayotgan ayol atletlarimiz, murabbiylarimiz va sport tashkilotlarida faoliyat yuritayotgan opa-singillarimiz bilan faxrlanamiz! Sizning har bir yutugʻingiz nafaqat yurtimiz, balki kelajak avlod uchun ham ilhom manbai demakdir.

Sizlarga mustahkam sogʻliq, oilaviy baxt, sport va hayotda yuksak marralarni zabt etishingizni tilaymiz. Har doim baxtli va gʻalabalarga toʻla hayot kechiring!

Hurmat bilan,
Oʻzbekiston Milliy Olimpiya qoʻmitasi