Ayni kunlarda Ozarbayjonda sport gimnastikasi boʻyicha Jahon kubogining navbatdagi bosqich bellashuvlari boʻlib oʻtmoqda. Unda qatnashayotgan Oʻzbekiston terma jamoasi aʼzosi Oksana Chusovitina final bosqichiga yoʻl oldi.

Yurtdoshimiz oʻzining sevimli tayanib sakrash dasturida medallar uchun kurashni davom ettiradigan boʻldi. Chusovitina saralash bosqichida 13.266 ball toʻplab, ikkinchi natija bilan finalchilar qatoridan joy olgan. Final dasturi ertaga boʻlib oʻtadi.