7 Mart 2025
325
MOQ rahbariyati oʻquvchi yoshlarning sport bilan shugʻullanishlari uchun yaratilgan sharoitlar bilan tanishdi
MOQ rahbariyati poytaxtimizdagi taʼlim muassasalarida oʻquvchi yoshlarga sport bilan shugʻullanishlari uchun yaratilgan sharoitlar bilan tanishish maqsadida 300-umumtaʼlim va 317-ixtisoslashtirilgan davlat umumtaʼlim maktablari hamda Sergeli tumani sport maktabiga tashrif buyurdi. Rasmiylar umumtaʼlim va ixtisoslashtirilgan umumtaʼlim maktablarida jismoniy tarbiya oʻqituvchilari bilan suhbatlashishdi va sport toʻgaraklarini kuzatib borishdi.
Shuningdek, sport maktabining faoliyati ham alohida oʻrganildi. Mutaxassislar bilan maktabning moddiy-texnik bazasini kuchaytirish, shugʻullanuvchi yoshlar uchun qulay sharoitlar yaratish borasida fikr almashildi. Qolaversa, mashgʻulotlar jarayonini raqamlashtirish borasida tavsiyalar berib oʻtildi.
