Bugun Bolgariyaning Sofiya shahrida boks boʻyicha “Stranja” xalqaro turniri start oladi. Musobaqaning ilk kunida Oʻzbekiston terma jamoasining bir nafar aʼzosi saralash jangini oʻtkazadi.

-60 kg: Samandar Olimov - Adam Xession (Irlandiya)

Qayd etish joiz, musobaqada Parij-2024 yozgi Olimpiya oʻyinlari chempionlari Abdumalik Xalokov va Asadxoʻja Moʻydinxoʻjayev ham ishtirok etishi koʻzda tutilgan edi. Biroq Xalokovning professional boksdagi ikkinchi jangi 27-fevralga surilgani, Moʻydinxoʻjayev esa musobaqadan oldin jarohat olgani uchun har ikki bokschimiz turnirni oʻtkazib yuboradigan boʻlishdi.