Qilichbozlikning shpaga yoʻnalishi boʻyicha Oʻzbekiston terma jamoasi aʼzolarini joriy hafta yakunida ham yana bir nufuzli xalqaro musobaqa kutib turibdi. Hamyurtlarimiz 24-26-yanvar kunlari Qatarda oʻtadigan Gran-pri turnirida ishtirok etishadi. Oʻzbekiston qilichbozlik federatsiyasining maʼlum qilishicha, Doxada quyidagi 8 nafar qilichbozimiz medallar uchun kurash olib borishadi:

Ayollar: Shahzoda Egamberdiyeva, Dilnaz Murzatayeva, Sanam Nazarova, Sevara Rahimova;

Erkaklar: Ahmadjon Fayziyev, Javohirbek Nurmatov, Muhammadyusuf Siddiqov, Meyirxan Timurov.

Eslatib oʻtamiz, qizlarimiz oʻtgan hafta yakunida Bahraynda oʻtgan yoshlar oʻrtasidagi Jahon kubogi bosqichida jamoaviy dasturda bronza medaliga ega chiqishgan edi.