12 Iyul 2021
2564
Umidjon Jalolovni tabriklaymiz!
Bugun iqtidorli kurashchilarimizdan biri Umidjon Jalolov tavallud ayyomini nishonlamoqda.
Umid Jalolov 2002-yil 12-iyul kuni Buxoroda tug‘ilgan. Erkin kurash bo‘yicha 2017-yil Bangkokda o‘tgan o‘smirlar o‘rtasidagi Osiyo chempionati g‘olibi. 2018-yil Toshkentda ushbu muvaffaqiyatni takrorlab, Buenos-Ayres-2018 o‘smirlar Olimpiadasiga yo‘llanma olgan. Kichik Olimpiadada -48 kg vazn toifasida ishtirok etgan yosh polvonimiz raqiblariga hech qanday imkoniyat qoldirmadi va oltin medal sohibi bo‘ldi. 2019-yil o‘smirlar o‘rtasida jahon chempionligini qo‘lga kiritgan.
O‘zbekiston Milliy Olimpiya qo‘mitasi Umidjon Jalolovni tavallud ayyomi bilan tabriklab, unga uzoq umr, ulkan muvaffaqiyatlar va sihat-salomatlik tilab qoladi.
